Jeevan Sanginee

रथ को दोश्रो चक्र बनि

जीवन को दूरी संगै नाप्न हिंड्दा खेरी

न त मेरो गति अनि मेरो दिशा;

न त तिम्रो गति अनि तिम्रो दिशाको कुनै अर्थ छ

हाम्रो गति अनि हाम्रो दिशा भन्न सकेउं तेसैले जीवन सार्थक छ

हो घर लाई घर बनाउने,

जीवन लाई जीवन्तता दिनसक्ने नारी हु म

तर अर्ध अंग बनाइ मलाई न आपनाएको भए

सौभाग्य को रंग ले मलाई न रंगाएको भए

कति निरस अनि निरर्थक हुने थिएं स्वोयम म

जे होस आज मलाई तिम्रो तिमिलाई मेरो साथ छ

एउतै गति अनि गन्तव्य को आभास छ

पुकार येही गर्छु इश्वोर संग आज

छुट्ने छैन कहिलेई हाम्रो यो साथ